ދުއިސައްތަ މީޓަރ ފްރީސްޓައިލް އިވެންޓުގެ ޤައުމީ ރެކޯރޑް މުބާލް އައުކޮށް، ފައިނަލަށް ދަތުރުކޮށްފި

photo: abdulla abid (moc)

ފިރިހެނުންގެ (ޝޯރޓް ކޯސް) 200 މީޓަރ ފްރީސްޓައިލް އިވެންޓުގެ ޤައުމީ ރެކޯރޑް މުބާލް އައްޒާމް އިބްރާޙީމް އައުކޮށްފިއެވެ. ނޭޕާލްގައި މިހާރު ކުރިއަށްދާ 13 ވަނަ ސައުތު އޭޝިއަން ގޭމްސް ގައި މުބާލް މި ރެކޯރޑް އައުކޮށްފައިވަނީ  މި އިވެންޓުގެ ހީޓްގައި 02.05.04 އިން އިވެންޓް ފުރިހަމަކޮށްގެންނެވެ. މުބާލް ވަނީ މި އިވެންޓުގެ ފައިނަލަށް ދަތުރުކޮށްފައެވެ.

މި އިވެންޓުގެ ޤައުމީ ރެކޯރޑް އެންމެ ފަހުން އައުކޮށްފައިވަނީވެސް މުބާލް އެވެ. އެފަހަރު މިރެކޯރޑް އައުކޮށްފައިވަނީ 2018 ވަނަ އަހަރު ބޭއްވި 14 ވަނަ ފީނާ ވޯރޑް ސްވިމިންގ ޗެމްޕިއަންޝިޕްސް (25m) ގައި 02.09.57 އިން ރޭސް ފުރިހަމަ ކޮށްގެންނެވެ.