hamna
އަންހެނުންގެ ޝޯރޓްކޯސް 50 މީޓަރ ބްރެސްޓްސްޓްރޯކް އިވެންޓުގެ ޤައުމީ ރެކޯރޑް ޙަމްނާ އަޙްމަދު އާކޮށްފިއެވެ. ހަމްނާ މިރެކޯޑު އާކޮށްފައިވަނީ ހަންގޭރީގައި މިހާރު ކުރިއަށްދާ ވޯލްޑް އެކުއަޓިކްސް ސްވިމިންގ ޗެމްޕިއަންޝިޕްސް (25 މީޓަރ) ގެ 100 މީޓަރ ބްރެސްޓްސްޓްރޯކު އިވެންޓުގެ ފުރަތަމަ 50 މީޓަރު 00:36.84 އިން ނިންމައިގެންނެވެ.
މި އިވެންޓުގެ ޤައުމީ ރެކޯރޑް އެންމެ ފަހުން އާކޮށްފައިވަނީވެސް ޙަމްނާ އެވެ. އެއީ، ހަމަ މިއަހަރު ހަންގޭރީގައި ބޭއްވުނު ހާޖޮސް އަލްފްރެޑް ކުޕާ 3 ގައި 00:37.13 އިން ރޭސް ފުރިހަމަކޮށްގެންނެވެ.
